Poytaxtimizning Yunusobod tumanidagi 43-sonli umumta'lim  maktabida “Xotira va qadrlash kuni" munosabati bilan ma'naviy-ma'rifiy tadbir o'tkazildi.

Tadbirga mehnat faxriylari, turli yillarda mazkur ta'lim dargohida faoliyat ko‘rsatgan ustoz-murabbiylar, mahalla faollari taklif etildilar.

Unda maktab qoshida faoliyat yuritayotgan harbiy-vatanparvarlik to'garagi a'zolari o'z chiqishlarini namoyish etdilar. O'quvchilar tomonidan tayyorlangan badiiy dastur barchaga manzur bo'ldi. Harbiy ansamblning tashrifi tadbirga yanada fayz kiritdi.